Welsh Mountain Zoo

Cefnogi'r Sw

Pan fyddwch yn talu i ddod i mewn i'r Sw a phan fyddwch yn prynu rhywbeth byddwch yn rhoi incwm hanfodol i'r Sw er mwyn gallu cynnal y gwahanol ddatblygiadau a'r gweithgareddau.

Mae gan y Sw hefyd nifer o gynlluniau lle gallwch ymwneud mwy ag anifeiliaid neu â gwaith y Sw:

Ymateb gan Unigolion

Drwy gydol y flwyddyn mae'r Sw yn cynnal ymgyrchoedd a chystadlaethau i godi arian ar gyfer prosiectau penodol. Mae pob ceiniog yn helpu a gobeithiwn y byddwch yn mwynhau ymuno â ni.

Cynllun Mabwysiadu

Mabwysiadu anifail yw un o'r ffyrdd gorau o gefnogi gwaith y Sw. Mae Rhiant neu Fabwysiadwr/wraig Sw yn cyfrannu'n uniongyrchol at gynhaliaeth a lles yr anifail a fabwysiadwyd.

Gweler tudalen Mabwysiadu yn y Sw

Cynllun Cyfarfod Anifail

Drwy archebu ymlaen llaw yn unig, pwrpas y cynllun ‘Cyfarfod Anifail' yw rhoi cyfle i rai sy'n dod i'r Sw Fynydd Gymreig i fwydo ac i ddysgu am anifeiliaid penodol. Credwn y bydd hyn yn rhoi mwy o fwynhad, gwerthfawrogiad a dealltwriaeth o'r anifeiliad. Defnyddir y ffioedd i hyrwyddo amcanion cadwraethol elusennol ac addysgol y Sw.

Gweler tudalen Cyfarfod Anifail .

Nawdd gan Unigolyn neu Gwmni

Mae'r Sw yn denu nawdd o amrediad o fusnesau sy'n gallu hyrwyddo enw eu cwmni ac ar yr un pryd chwarae rhan weithredol yn y gymuned leol a chefnogi amcanion amgylcheddol a chadwraethol ehangach y Gymdeithas.

Er enghraifft, cysylltodd cwmnïau lleol a chenedlaethol eu henwau â datblygiad Byd y Tsimpansî.

Mae cyfle i gwmnïau i gael cysylltiad â holl brosiectau a digwyddiadau'r Sw – efallai fel prif noddwr sy'n rhoi'r prif gymorth ariannol neu ar raddfa lai drwy gynnig cymorth o fath arall.