Welsh Mountain Zoo

sealion

Cwestiynau Cyffredin

C. A yw'r Sw Fynydd Gymreig yn agored drwy'r flwyddyn?
A. Ydi. Mae'r Sw Fynydd Gymreig yn agored drwy gydol y flwyddyn, ar wahân i Ddydd Nadolig.

C. Am faint o'r gloch mae'r Sw'n agor?
A. Dyma amseroedd agor y Sw:
Mis Mawrth - Mis Hydref: 9.30am - 5.00pm
Mis Tachwedd – Mis Chwefror: 9.30am - 4.00pm
Wedi cau ar Ddydd Nadolig.

C. Beth yw pris mynediad i'r Sw?
A. Mae pris mynediad i'r Sw yn costio £8.95 i oedolion (dros 16 oed), £6.60 i blant (3 -15 oed yn gynwysedig) a myfyrwyr (cerdyn NUS), £7.80 i bensiynwyr ac mae tocyn teulu (2 oedolyn a 2 blentyn) yn costio £28.25. Mae pob plentyn dan 3 oed yn cael mynediad AM DDIM.

Q. What are your Group Prices?
A. Group prices to the Zoo are as follows:

C. Beth yw eich Prisiau ar gyfer Grwpiau?
A. Dyma brisiau'r Sw ar gyfer Grwpiau:

Oedolyn (16+ oed os nad yw'n fyfyriwr) - £6.85
Plentyn (3 - 15 oed yn gynwysedig) - £4.85
Pensiynwyr - £4.85
Myfyrwyr (Cerdyn NUS) - £4.85
Dan 3 oed – AM DDIM

Darllenwch y canlynol cyn archebu ar gyfer eich grŵp:

Dylai grwpiau sy'n ymweld â'r Sw archebu ymlaen llaw i gael prisiau mynediad gostyngol.
-Rhaid talu am grwpiau mewn un taliad neu fel arall nid fydd gostyngiadau grwpiau yn gymwys.
-Archebwch unrhyw sesiynau a chyfnodau dysgu cyn archebu ar gyfer Mynediad Grŵp.
- Mae niferoedd bras yn dderbyniol wrth archebu. Rhaid gwneud unrhyw addasiadau ariannol ar ôl cyrraedd.
-Mae prisiau grwpiau yn gymwys i grwpiau o 15 o bobl neu fwy.
-Caniateir mynediad di-dâl i un athro/athrawes/arweinydd gyda phob deg plentyn/myfyriwr a fydd yn talu'n llawn.
- Gyrwyr Bysiau: am ddim
-Nodyn ynglŷn â phrisiau : Mae gostyngiadau ychwanegol ar gael yn achos ymweliadau ym mis Hydref hyd at fis Mawrth (yn gynwysedig).
-Efallai y bydd angen ichi gyfeirio'n ôl at y nodiadau hyn wrth gwblhau'r ffurflenni archebu.
 
camel

C. A yw'r Sw yn cynnal Sesiynau Dysgu, ac os felly, beth yw'r grwpiau oedran dan sylw?
A. Ydi. Mae Sesiynau Dysgu yn rhad ac am ddim ac yn cwmpasu amrediad eang o bynciau a gynlluniwyd gyda'r Cwricwlwm Cenedlaethol mewn golwg. Rydym yn cynnig gwasanaeth addysgiadol o'r radd flaenaf i bob oedran a gallu, o grwpiau meithrin i ysgolion cynradd ac uwchradd a cholegau a phrifysgolion. Gellir cynnal y Sesiynau Dysgu yn y Gymraeg a'r Saesneg. Cysylltwch â'r Adran Addysg i gael mwy o wybodaeth a Phecyn Addysg (01492) 532938.

C. A yw'r Sw yn cynnig cynllun aelodaeth?
A. Ydi. Mae Cydgymdeithas Cymdeithas Sŵolegol Cymru (CSC), (elusen gofrestredig rhif 507970) yn cynnig aelodaeth i unigolion a theuluoedd. Mae dau wahanol fath o aelodaeth; aelodaeth lawn ac aelodaeth gysylltiol. Mae aelodaeth lawn yn cynnig mynediad di-dâl a mynediad gostyngol i Grwpiau, darlithoedd a sgyrsiau, y posibilrwydd o gymryd rhan yng ngweithgareddau'r Gymdeithas, digwyddiadau cymdeithasol a chylchlythyrau rheolaidd. Mae Aelodaeth Gysylltiol yn cynnig Un Mynediad Di-dâl i'r Sw y person, y flwyddyn, darlithoedd a sgyrsiau a chylchlythyrau rheolaidd.

For further information write to:

ZSW Association
c/o Welsh Mountain Zoo
Colwyn Bay
North Wales
LL28 5UY
or email: zsw@welshmountainzoo.org

I gael mwy o wybodaeth ysgrifennwch at:

Cydgymdeithas CSC
yng ngofal Y Sw Fynydd Gymreig
Bae Colwyn
Gogledd Cymru
LL28 5UY
neu e-bostiwch: zsw@welshmountainzoo.org

C. Pa dalebau eraill mae'r Sw Fynydd Gymreig yn eu derbyn?
A. Mae'r Sw hefyd yn derbyn talebau Ten Top Attractions sy'n golygu fod y deilydd yn cael gostyngiad o £1.50 wrth dalu am docyn oedolyn (pan fydd gydag oedolyn arall sy'n talu'r pris llawn) neu £1 oddi ar un tocyn teulu. Darllenwch y telerau ac amodau ar y daleb.
horse

C. Ym mhle mae'r Sw a sut ydw i yn mynd yno?
A. Mae'r Sw wedi ei lleoli ar ben bryn uwchben Bae Colwyn yng Ngogledd Cymru. Os ydych yn teithio mewn car, gadewch Draffordd A55 yng Nghyfnewidfa Llandrillo-yn-Rhos (Cyffordd 20) – dim ond 3 munud o waith gyrru yw'r Sw oddi yma ac mae wedi ei harwyddo. Adeg y Pasg ac o fis Mai hyd at ganol mis Medi bydd bws mini di-dâl y Sw yn cynnal gwasanaeth di-dor yn ddyddiol o Orsaf Reilffordd Bae Colwyn

C. Beth yw eich cyfeiriad post llawn, er mwyn i mi deipio hwn ar fy system SAT NAV?
A. Y Sw Fynydd Gymreig, Yr Hen Briffordd, Bae Colwyn, Conwy LL28 5UY

C. Pa mor bell yw'r Sw o Ganol Tref Bae Colwyn?
A. Mae'r Sw wedi ei lleoli oddeutu ½ milltir o dref Bae Colwyn . Adeg y Pasg ac o fis Mai hyd at ganol mis Medi bydd bws mini di-dâl y Sw yn cynnal gwasanaeth di-dor yn ddyddiol o Orsaf Reilffordd Bae Colwyn.

C. A yw'n anodd i bobl sy'n cael trafferth i symud grwydro o amgylch y Sw?
A. Oherwydd ei lleoliad, efallai y bydd ymwelwyr sy'n cael trafferth i symud yn cael anhawster i fynd i rannau arbennig o'r Sw. Ni chodir tâl mynediad ar bobl sy'n gaeth i gadeiriau olwyn.

C. Ydych chi'n llogi pramiau ysgafn/cadeiriau olwyn?
A. Ydym. Mae'n bosibl llogi pramiau ysgafn a chadeiriau olwyn yn ddi-dâl o Swyddfa'r Sw.

C. Allaf i ddod â'm ci i mewn i'r Sw?
A. Gellir dod â chŵn i mewn i'r Sw a mynd â nhw am dro yn y rhan sydd heb ei tharmacio o'r Maes Parcio yn unig (mewn modd rhesymol ac ar dennyn bob amser). Ni chaniateir iddynt fynd i unrhyw ran arall o'r Sw, oherwydd gallai hyn beryglu lles anifeiliaid y Sw.

C. Pa mor fawr yw'r Sw?
A. Mae'r Sw a'i gerddi ar safle 37 acer.

penguin

C. Allaf i fynd i'm car unwaith y byddaf yn y Sw?
A. Gallwch. Mae gennym faes parcio canolog i goetsis a cheir gyferbyn â Siop Roddion y Sw – ‘Y Caban Gwerthu'

C. Pa gyfleusterau arlwyo sydd gennych yn y Sw?
A. Mae gan y Sw gyfleusterau arlwyo trwyddedig drwy gydol y flwyddyn. Mae Bwyty Flagstaff a Bwyty Safari yn paratoi prydau poeth ac oer a the a choffi drwy'r dydd. Bydd siop hufen iâ a siop felysion hefyd ar agor yn ystod cyfnodau prysur.

C. A oes Siop Roddion yn y Sw?
A. Oes. Y Caban Gwerthu yw siop y Sw lle ceir digonedd o bethau, ac mae'n llawn o eitemau sy'n gysylltiedig â'r sw ac anifeiliaid

C. I ble ydw i'n mynd os ydw i wedi colli rhywbeth?/neu i gael Cymorth Cyntaf?
A. Gofynnwch am y gwasanaethau hyn yn y Caban Gwerthu neu yn Swyddfa'r Sw.

C. A oes ystafell newid babanod yn y Sw?
A. Oes. Mae'r cyfleuster hwn y drws nesaf i'r Caban Gwerthu.