Rhaglenni Bridio

Ers dechrau'r 1970au, mae’r Sŵ Fynydd Gymreig, drwy ymateb i anghenion cadwraeth bywyd gwyllt, wedi bod yn ailasesu natur ei chasgliad o anifeiliaid. Mae hyn wedi caniatáu i'r Sŵ ymuno â rhai o'r rhaglenni bridio cydweithredol rhwng Sŵau sy’n gofalu am amrywiaeth eang o rywogaethau fel y Panda Coch a Llewpard yr Eira.

Dyma rai rhywogaethau eraill sy’n cael eu rheoli ar y cyd:

• Ceffyl Gwyllt Przewalski
• Condor yr Andes
• Tsimpansî
• Gibon Lar
• Tamarin Penwyn
• Pengwin Humboldt
• Morlo Clustiog Califfornia
• Lemwr Cynffon Fodrwyog
• Margai
• Llewpard yr Eira
• Teigr Swmatra
• Panda Coch
• Mwnci Heglog du Wynepgoch
• Mwnci Goeldi
• Dygrgi Ewinedd Byrion Asiaidd
• Agwti Azara
• Arth Frown Ewrasiaidd
• Walabi’r Gors
  
• Y Rhea Lleiaf
  
• Hefyd, y rhywogaeth Brydeinig frodorol
• Y Wiwer Goch
• Y Bele
  
• Eryr Môr
  

Mae mwy a mwy o'r rhaglenni bridio hyn yn cael eu cychwyn a'u harwain gan ‘Grŵp Arbenigol Bridio’ sy’n perthyn i Gomisiwn Goroesiad Rhywogaethau Undeb Cadwraeth y Byd.

Cofnodion Anifeiliaid

Un o'r elfennau pwysicaf yn y rhaglenni bridio cydgysylltiedig yw cadw cofnodion. Yn y Sŵ Fynydd Gymreig, cedwir cofnodion ar y System Rheoli Gwybodaeth Sŵolegol neu'r ZIMS fel y’i gelwir ac mae'r holl ddata yn cael ei anfon i'w chronfa ddata ryngwladol ym Minnesota.

Mae'r systemau cynyddol soffistigedig hyn o gadw cofnodion yn hanfodol ar gyfer llwyddiant rhaglenni bridio cydgysylltiedig yn genedlaethol ac yn rhyngwladol. Yn ogystal, maent yn cael eu defnyddio hefyd ar gyfer datblygiadau mewn hwsmonaeth a gofal milfeddygol ynghyd â rheoli geneteg.